«Рустам Қосимжонов кубоги» тақдирлаш маросимидан фоторепортаж
Пойтахтимиздаги Халқаро шахмат академиясида рапид бўйича 2 кун давом этган «Рустам Қосимжонов кубоги» баҳслари ниҳоясига етди.
Умумий соврин жамғармаси 50 минг АҚШ доллари бўлган мазкур мусобақада дунёнинг кучли шахматчилари қаторидан ўрин олган гроссмейстерлар - Нодирбек Абдусатторов, Жаҳон чемпиони Рустам Қосимжонов, Жавоҳир Синдаров, Нодирбек Ёқуббоев, Шамсиддин Воҳидов, Жаҳонгир Воҳидов, шунингдек руминиялик Ричард Раппорт, озарбайжонлик Шаҳриёр Мамедияров, россиялик Александр Гришчук, эронлик Пархам Махсудлу иштирок этди.
[gallery-18200]
Турнир якуний натижасига кўра, ҳамюртимиз, иқтидорли шахматчи Нодирбек Абдусатторов ғолиблик шоҳсупасининг энг юқори поғонасидан ўрин олди ҳамда 12 000 АҚШ доллари билан мукофотланди. Кейинги ўринлар Жавоҳир Синдаров (Ўзбекистон, 8 000 $) ҳамда Пархам Махсудлу (Эрон, 6 000 $)га насиб этди.
Муҳаммад АМИН(сурат),ЎзА