Украинанинг НАТОга кириши нафақат бу мамлакат манфаатларига мос, балки альянсни ҳам кучайтиради.

Бу ҳақда мамлакат қуролли кучлари бош қўмондони, генерал-полковник Руслан Хомчак НАТОнинг 72-йиллиги муносабати билан берган баёнотида сўз юритган.

Унинг фикрлари бош қўмондонлик матбуот хизматининг “Facebook”даги саҳифасида берилди. “Кейинги йилларда қуролли кучларимиз Европанинг ҳақиқий қалқони, мамлакатимиз эса НАТОнинг энг яхши кўмакчиси бўлди”, деди Хомчак. У ҳозирги пайтда украин ҳарбийлари НАТО билан барча йўналишларда фаол ҳамкорлик қилаётганини таъкидлади.