Румынияда НАТО-ның Еуропадағы ең ірі базасының құрылысы басталды. Құрылыс құны 2,5 миллиард еуроны құрайды.

Euronews хабарынша, базаның аумағы 2,8 мың гектарды құрайды және Қара теңіздегі румын порты орналасқан Констанца ауданында орналаспақ. 

«Америка әуе базасы орналасатын бұл аймақ 2,5 миллиард еуро көлеміндегі мемлекет инвестициясынан кейін нағыз қалашыққа айналады», - деп хабарлады телеарна.

Жоба ұшу-қону жолақтарын, қару-жарақ алаңдарын, әскери ұшақтарға арналған ангарлар, мектептер, балабақшалар, дүкендер мен ауруханаларды салуды қамтиды.

Румыниядағы аталған базада 5 мың әскери қызметкер – негізінен америкалықтар орналасқан. Құрылыстан кейін мұндағы сарбаздар саны 10 мыңға жетіп, ол НАТО-ның Еуропадағы ең ірі базасына айналады.