Бу ҳақда Ветеринария ва чорвачиликни ривожлантириш қўмитаси раиси Баҳром Норқобилов ҳамда Руминия давлатининг юртимиздаги фавқулодда ва мухтор элчиси Даниэль Кристиан Чобану билан учрашувда хабар берилди.

Мулоқот давомида Руминия ва Ўзбекистон ўртасида ветеринария ва чорвачилик соҳасидаги илмий ҳамкорликни янада ривожлантириш, қорамол ва паррандаларда учрайдиган касалликлар профилактикасида тажриба алмашиш, наслчилик тармоғида кенг кўламли ҳамкорликни йўлга қўйиш масалалари муҳокама қилинди.

Шунингдек, икки давлат ветеринария хизмати ўртасида муносабатларни янада кенгайтириш ва ўзаро савдо имкониятларини ривожлантириш бўйича келишувга эришилди.

И.Аввалбоев, ЎзА