Qo‘shma Shtatlar Davlat kotibi Marko Rubio G7 tashqi ishlar vazirlari uchrashuvidan so‘ng jurnalistlar bilan suhbatda rasmiy Vashington Ukrainani qo‘llab-quvvatlashda davom etishini va ittifoqchilari bilan hamkorlikni mustahkamlashini ta’kidladi.

Uning ta’kidlashicha, AQSH Ukraina mudofaasini mustahkamlash va uning energiya barqarorligini ta’minlashga e’tibor qaratmoqda.

Yaqin Sharqdagi vaziyat haqida gapirar ekan, Rubio AQSH G‘azo sektorida xalqaro xavfsizlik kuchlarini tashkil etish uchun hamkorlar bilan ishlayotganini bildirdi.

– Bizning maqsadimiz HAMASni qurolsizlantirish va mintaqani qayta tiklash uchun sharoit yaratish, - dedi u.

Shuningdek, Rubio Saudiya Arabistoni bilan muzokaralarda erishilgan yutuqlar haqida ham ma’lumot bergan. 

– Biz yangi kelishuvlar paketiga yaqinmiz va prezident Donald Tramp kelasi hafta Oq uyda valiahd shahzoda bilan tafsilotlarni muhokama qiladi, - deya ta’kidladi u.

Xulosa qilib aytganda, Rubio AQSH tashqi siyosatining ustuvorligi o‘zgarishsiz qolishini qayd etgan. 

S.Rahimov, O‘zA