ФОТОРЕПОРТАЖ

Қашқадарё вилоятидан Иккинчи жаҳон урушида мардона жанг олиб борган 47 мингдан ортиқ ватандошларимизнинг, афсуски, ярмидан кўпи она юртга қайтмади.  

Айни пайтда 113 ёшни қаршилаган қамашилик Рўзибой Сатторов уруш бошланган кезларда 30 ёшда эди. Шу боис биринчилар қаторида фронтга йўл олди. Фашизмга қарши жанг майдонларида мардлик ва жасорат кўрсатган Рўзибой Сатторов урушдан кейин халқ хўжалигининг турли соҳаларида ҳалол меҳнат қилди. Оила қуриб, 8 фарзандни улғайтирди.  

Бугун дориломон кунларга етказганига шукр айтишдан чарчамайдиган отахонни йўқлаб, дуосини олиш мақсадида файзли хонадонга келувчиларнинг қадами узилмайди.  

[gallery-11787]

Жамшид НОРҚОБИЛОВ (сурат), ЎзА