15 январдан Ўзбекистонда аҳоли ва қишлоқ хўжалигини рўйхатга олишнинг биринчи босқичи расман старт олди. Бу тадбир мамлакатимизнинг ижтимоий-иқтисодий ривожланиши учун муҳим аҳамиятга эга бўлган кенг қамровли статистик тадбир сифатида амалга оширилмоқда.

Республикамизда рўйхатга олиш ишларини юқори савияда ташкил этиш ва самарали амалга ошириш мақсадида барча ҳудудларда изчил ишлар олиб борилаётир. Шунингдек, ҳар бир туманга масъул ходимлар бириктирилган.

Хусусан, Тахиатош туманига Ўзбекистон Республикаси Миллий гвардияси қўмондони ўринбосари  Сарвар Мамаюсупов масъул ходим сифатида бириктирилди. У туманга ташриф буюриб, аҳоли ва қишлоқ хўжалигини рўйхатга олиш тадбирларини ўтказиш учун ташкил этилган туман штаби билан яқиндан танишди.

Сайёр учрашувлар давомида Тахиатош иссиқлик электр станцияси, “Ўзбекнефтгаз” АЖ корхоналари ҳамда 4 та умумтаълим мактабларида жойлаштирилган рўйхатга олиш штаблари фаолияти кўздан кечирилди. Шунингдек, штаб аъзоларининг иш шароитлари, техник таъминоти ва ташкилий масалалар атрофлича муҳокама қилинди.

Масъул ходим томонидан рўйхатга олиш ишларини самарали, тизимли ва ўз вақтида ташкил этиш, ходимлар фаолиятини мувофиқлаштириш ҳамда эҳтимолий муаммоларнинг олдини олиш бўйича аниқ топшириқлар берилди.

Бу тадбир аҳоли ва қишлоқ хўжалигини рўйхатга олиш жараёнини самарали ташкил этиш, статистик маълумотларни тўлиқ ва аниқ тўплаш ҳамда республикада ижтимоий-иқтисодий ривожланишига хизмат қилади.

<iframe width="650" height="420" src="https://www.youtube.com/embed/Xz-nGBbQyGg" title="Ro‘yxatga olish ishlari izchil amalga oshirilmoqda" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Н.Раҳмонова, У.Тўхтаев (монтаж), ЎзА