Россиянинг ўндан ортиқ авиакомпанияси Туркияга авиақатновни тиклади
Росавиация Россиянинг 12 авиаташувчисига Туркияга парвозни амалга ошириш учун 160 та рухсатнома берди.
Маҳкама тарқатган маълумотда рухсат берилган авиакомпанияларнинг номлари келтирилган.
Уларнинг самолётлари Туркиянинг Истанбул, Анқара, Анталия, Даламан ва Бодрум шаҳарларига учади.
Маълумот ўрнида айтиш жоиз, Россия сайёҳлик операторлари ассоциацияси сентябргача Туркия курортларига 3 миллион нафар россиялик сайёҳ боришини маълум қилганди.