БМТ бош ассамблеясининг қуролсизланиш бўйича Биринчи қўмитаси кимёвий қурол ишлатилиши эҳтимоли устидан текширув олиб бориш механизмини янгилаш бўйича Россия тайёрлаган резолюция лойиҳасини қўллаб-қувватламади, деб хабар бермоқда РИА Новости.

Хабарда айтилишича, мазкур ҳужжат керагича овоз ололмаган.

Женевада БМТ Бош ассамблеяси Биринчи қўмитасидаги Россия делегацияси бошлиғининг ўринбосари Андрей Белоусовнинг таъкидлашича, ҳужжат БМТ бош котибининг кимёвий ва биологик қуроллардан фойдаланиш эҳтимоли устидан янада самарали текширув ўтказишга қаратилган эди.

 Белоусовнинг таъкидлашича, мазкур механизмнинг тамойиллари ва тартиблари 1990 йилдан буён янгиланмаган.