Sharof Rashidov nomidagi Samarqand davlat universiteti rektori Rustam Xolmurodov Rossiyaning “Kurchatov instituti” milliy tadqiqot markazi prezidenti, Rossiya Fanlar akademiyasining muxbir a’zosi Mixail Kovalchuk bilan uchrashuv o‘tkazdi.

Tadbirda akademik Muhsin Ashurov, Samarqand davlat universiteti professor-o‘qituvchilari, ilmiy xodimlari qatnashdi.

Uchrashuvda ta’lim va tadqiqot muassasalari o‘rtasida ikki tomonlama ilmiy-amaliy hamkorlikni yo‘lga qo‘yish va kengaytirish, konvergent texnologiyalar va elementar zarrachalar fizikasi, tibbiyot va biologiyada raqamli texnologiyalarni qo‘llash, akademik almashinuvlarni amalga oshirish xususida taklif va mulohazalar bildirildi.  

Bu boradagi amaliy harakatlarni boshlash zarurligi ta’kidlandi.

Dildora Do‘smatova,

O‘zA