“Россельхознадзор” ветеринар ва фитосанитар назорат федерал хизмати мамлакатга қатор давлатлардан сабзавот олиб киришга нисбатан илгари киритилган чекловни бекор қилди.

 Хусусан, РФ Ўзбекистондан помидор ва қалампир етказиб беришга нисбатан жорий қилинган барча чекловларни олиб ташлади.

Шунингдек, Россия ҳудудига яна бир қатор давлатлардан помидор, қалампир, қовоқ, бақлажон каби маҳсулотлар импорт қилиниши белгиланди.

Ушбу қарор юқоридаги мамлакатлар карантин ва ўсимликларни муҳофаза қилиш миллий тузилмалари томонидан тақдим этилган ҳудудийлаштириш ҳамда РФ фитосанитария талаблари бузилишининг олдини олиш бўйича кўрилаётган чора-тадбирлар тўғрисидаги маълумотлар таҳлили натижалари асосида қабул қилинди, дейилади ташкилот хабарида.