Ташқи меҳнат миграцияси агентлиги ва хорижий давлатлар иш берувчилари ўртасида пандемия даврида Ўзбекистон фуқароларини иш билан таъминлаш мақсадида олиб борилган музокаралар натижасида турли давлатларда кўплаб бўш иш ўринлари таклиф этилиб, уларга юртдошларимизни ишга жалб қилиш бўйича келишувга эришилган эди.

Жумладан, Россия Федерациясининг “ПСП” корхонаси билан имзоланган келишувга мувофиқ, вилоятларда ўтказилган танловларда иштирок этиб, тиббий кўриклардан муваффақиятли ўтган 197 нафар фуқаро Амур вилоятида қурилиш ишларида вақтинча меҳат фаолиятини амалга ошириш учун Тошкент халқаро аэропорти орқали Тошкент-Новосибрск йўналишида ташкиллаштирилган ҳолда жўнаб кетди.

Фуқароларга хорижда ишлаш даврида қийин ҳаётий вазиятга тушиб қолган вақтда ҳуқуқий ёрдам кўрсатишга йўналтирилган тарқатма материаллар берилди.

Шунингдек, Агентлик томонидан Корея Республикасининг Инсон ресурсларини ривожлантириш хизмати билан олиб борилган музокаралар натижасида ушбу давлатда ишлаш вақтида меҳнат таътили олиб, Ўзбекистонга келган 8 нафар фуқаро ўз иш жойларига кетишига кўмаклашилди.