Пайшанба куни Россиянинг Тверь шаҳрида жойлашган Ҳаво ва космик мудофаа қўшинлари марказий илмий-тадқиқот институтида ёнғин юз берган эди.

“ТАSS” агентлиги хабар беришича, ҳодиса оқибатида 17 нафар фуқаро ҳалок бўлган, 13 киши касалхонага ётқизилган. Беморлар аҳволи оғир экани айтилмоқда.

Электр тармоғидаги муаммо туфайли юзага келган ёнғин ҳудуд бўйлаб ёйилишига ўт ўчирувчиларнинг кечикиб келиши сабаб қилиб кўрсатилган.

Соғлиқни сақлаш вазирлиги маълумотига кўра, Тверь вилоятидаги ёнғинни бартараф этишга 150 та ишчи кучи жалб қилинган.

Институт биносидан 54 киши қутқариб олинган, 98 нафар одам эвакуация қилинган.