Rossiyada “Apple” kompaniyasining “FaceTime” videoqo‘ng‘iroq xizmati faoliyati cheklandi, deya xabar bermoqda “DW” nashri.

“Roskomnadzor” ilova bloklanishini firibgarlar undan jinoiy maqsadlarda foydalanayotgani bilan izohladi. 

“FaceTime” orqali “iPhone”, “iPad” va “Mac” foydalanuvchilari internetga ulangan holda bepul videoqo‘ng‘iroqlar amalga oshirishi mumkin. RFda servis ishidagi dastlabki ommaviy uzilishlar haqidagi shikoyatlar oktyabr oyi o‘rtalarida paydo bo‘lgan edi.

Mutaxassislar fikricha, cheklovlar kengayishi foydalanuvchilarni doimiy ravishda boshqa serverlar yoki ilovalarga o‘tishga majbur qilmoqda. 

D.Hakimov, O‘zA