Россияда бир кунда етти ярим мингдан ортиқ кишида COVID-19 аниқланди
Беморлар асосан Москва, Санкт-Петербург ва Москва вилоятига тўғри келган. Яна Ростов, Воронеж ва Саратов ўлкаларида коронавирусга чалиниш ҳолатлари кўп қайд этилмоқда.
Статистикага кўра, мамлакатда жами 4 миллион 855 мингдан зиёд киши инфекцияни юқтириб олган. Шу кунгача 4 миллион 472 мингдан ортиқ бемор касалликдан тузалган. Бу вирус юқтирганлар умумий сонининг 92,1 фоизини ташкил этади. 112 минг 246 киши COVID-19 қурбонига айланган.