Россияда 2022 йилда енгил автомобиллар савдоси 50 фоизга қисқариши мумкин, деди Европа бизнес ассоциацияси (ЕБА) автомобиль ишлаб чиқарувчилари қўмитаси раиси Алексей Калицев Россия автомобиль дилерлари ассоциациясининг йиллик учрашувида.

Унинг айтишича, Россияда автомобиллар савдоси яхши сценарий бўйича кетса, бу йил 800 минг донани ташкил этиши мумкин.

"Ўйлашимча, етказиб беришдаги аниқлик келгуси чоракликда кўзга ташланади. Мен иккинчи чораклик давомида вазият яхшиланишидан умид қилмаяпман. Иккинчи чораклик мавжуд барча масалаларни бартараф қилиш даври бўлади. 

Агар жараён ижобий сценарий бўйича кетса, биз ишлаб чиқаришни бошлаймиз. Агар ишлаб чиқаришни учинчи чоракликдан ҳам кечроқ бошласак, у ҳолда савдо баттар пасаяди", - деди у.