EИ раҳбари Урсула фон дер Ляйен Россия ўз фуқароларини вакцина билан таъминлашдан олдин бошқа мамлакатларга сотаётганини даъво қилмоқда.

Россия вакциналарни, асосан, Венгрия, Сербия ва Aргентина каби мамлакатларга етказиб беряпти.

ЕИ раҳбари Россия ўз халқига етарлича доза етказиб бермасдан, бошқа давлатлар билан шартнома тузганидан ҳайрон эканини айтди.

Германиядаги Маршал жамғармаси вакили Жейкоб Киркеарднинг таъкидлашича, Москва ташқи сиёсий мақсадларига эришиш учун вакцина сотишга қарор қилган.

Россияда шартномада кўрсатилган миқдордаги вакцинани етказиб бериш имконияти мавжудлиги шубҳа остига олинмоқда. Бу ҳақда “Euronews” телеканали хабар берди.

Бундан ташқари, Хитой ҳам вакциналарни сиёсий қурол сифатида ишлатишга интилмоқда. Халқаро алоқалар кенгаши аъзоси Янзонг Хуанг баёнот беришга ҳаракат қилди.

Хитой вакциналаридан Сербия ва Туркия фойдаланмоқда.

Хуангнинг фикрича, мамлакат стратегик аҳамиятга эга бўлган давлатлар билан алоқаларни мустаҳкамлашга уринмоқда.

“Reuters” берган маълумотга кўра, ҳозирга қадар Россияда 4 миллионга яқин одам эмланди, Хитой аҳолиси эса февраль ойи бошига келиб 24 миллион доза қабул қилган.