Rossiya va Hindiston BMT Xavfsizlik kengashini isloh qilishga chaqirmoqda
Rossiya bilan Hindiston hozirgi zamon global voqelikni o‘zida aks ettirishi uchun BMT Xavfsizlik kengashida keng ko‘lamli islohotlar o‘tkazish kerakligini ma’lum qildi.
Bu haqda Rossiya prezidenti Vladimir Putin bilan Hindiston bosh vaziri Narendra Modi “Rossiya – Hindiston: tinchlik, taraqqiyot va farovonlik uchun” XXI Rossiya – Hindiston sammitida birgalikda bayonot berdi. Mazkur bayonot Kreml saytida e’lon qilingan.
"Tomonlar zamonaviy global voqelikni o‘zida aks ettirishi va nufuzini yana oshirish, xalqaro tinchlik va xavfsizlik masalalarini samarali hal qilish uchun BMT Xavfsizlik kengashini keng ko‘lamli isloh qilishga chaqiradi", — deyiladi bayonotda.
Shuningdek, xabarda keltirilishicha, Rossiya prezidenti BMTning isloh qilingan va kengaytirilgan Xavfsizlik kengashiga doimiy a’zo bo‘lishi uchun Hindistonning nomzodini qo‘llab-quvvatlashini ham tasdiqlagan.