УЕФА расмий веб-сайтида Россия жамоалари ташкилот тизимидаги турнирларда иштирок этиш ҳуқуқидан маҳрум қилингани ҳақидаги қарор эълон қилинди.

Ушбу ҳужжат 11 банддан иборат бўлиб, тақиқ жамланмаси қуйидагиларни қамраб олган.

– Россия аёллар термаси жорий йил ёзда ўтадиган «Евро-2022»да қатнашмайди. «C» гуруҳида жамоа ўрнини Португалия эгаллайди;

- УЕФА шафелигида еврокубокнинг кейинги мавсуми РФсиз ўтади;

- Тузилманинг халқаро фаолиятига салбий таъсири эҳтимоли мавжудлиги сабабли 2028/2032 йилларда Европа чемпионатини ўтказиш бўйича Россия даъвогарлиги қабул қилинмайди;

– Россия терма жамоаси Миллатлар лигасининг иккинчи дивизион гуруҳида ўйнамайди ва ўз-ўзидан охирги - 4-ўринда, шунингдек «Б» лигаси барча жамоалари рейтингида 16-ўринда қолади;

- «U-21» терма жамоасининг Европа чемпионати саралашидаги гуруҳ натижаси бекор қилинди, гуруҳ таркиби 5 жамоадан иборат бўлади;

- Россия аёллар терма жамоасининг «Жаҳон чемпионати-2023» натижаси бекор қилинди;

– Россия аёллар терма жамоаси футзал бўйича "финалда тўртта" баҳсида ўйнамайди. Украина, Португалия ва Испания билан квартетдаги тўртинчи жой Венгрияга топширилади;

– 2022/23 мавсумида Россия клублари футзал бўйича Чемпионлар лигасида ўйнамайди;

– Россия U-17 ва U-19 терма жамоалари тегишли мусобақалардан четлатилди;

– Россия 2022/23 мавсумининг Ҳудудлар кубогида иштирок этмайди.

Эслатиб ўтамиз, аввалроқ ФИФА Россияни саралаш ўйинларидан четлаштирган ҳолда Польша терма жамоасига қарши «ЖЧ-2022» саралашида жамоага техник мағлубият ёзилганди.

Т. Рўзиев, ЎзА