Россия ва Туркия Президентлари Владимир Путин ва Режеп Таййип Эрдоған Сочида бўлиб ўтган музокарада газ етказиб бериш ва савдони рублда ҳисоблаш бўйича келишувга эришган.

Бу ҳақда Россия Бош вазири ўринбосари Александр Новак журналистларга маълум қилди, дейилади "Interfax.ru" хабарида.

Қайд этилишича, Россия ҳар йили Туркияга 26 миллиард кубометрга яқин газ етказиб беради.

Хабарда Россия расмий вакилининг "Биз аста-секин миллий валютада муомала қилишга ўтяпмиз. Тўловнинг бир қисми рус рублида амалга оширилади. 

Бу Россия учун янги имкониятлар очадиган, жумладан, пул-молия муносабатимизни ривожлантиришда муҳим аҳамиятга эга бўлган босқич" деган нутқи иқтибос қилиб келтирилган.

ЎзА