Kuril orollarini ijaraga berish haqida gap ham bo‘lishi mumkin emas.

Rossiya prezidentining Uzoq Sharqdagi vakolatli vakili Yuriy Trutnev voqealar bunday rivojiga nisbatan shu tariqa izoh berdi, deyiladi “RIA Novosti” xabarida.

U Kurill Rossiyaniki bo‘lgan va shunday bo‘lib qoladi, deb ta’kidladi.

Avvalroq Saxalin gubernatori Valeriy Limarenoko Daniyaning qayta tiklanuvchi energiya manbalariga doir investitsiya bilan shug‘ullanuvchi  “Copenhagen Offshore Partners” kompaniyasi shimoliy Kuril guruhidagi Shumshu orolini ijaraga olishini ma’lum qilgan. Keyinroq uning matbuot kotibi Svetlana Litvinova orollar to‘laligicha ijaraga berilmasligiga aniqlik kiritgandi.

Uningcha, Shumshu orolining bir qisminigina ijaraga berish imkoni ko‘rib chiqilmoqda.