Россия президенти нима учун ҳалигача Байденни сайловдаги ғалабаси билан табрикламаганини маълум қилди
Россия президенти Владимир Путин нима учун ҳалигача Байденни сайловдаги ғалабаси билан табрикламагани бўйича саволга жавоб берди.
Путиннинг айтишича, АҚШда ички сиёсий қарама-қаршилик давом этмоқда, Россия унинг тугашини ва сайловларнинг якуний натижаси расман эълон қилинишини кутиб турибди ва бундан бирон бир ғайир ҳолатни изламаслик керак.
“Биз, шунчаки, ички сиёсий қарама-қаршилик тугашини кутмоқдамиз”, деди Путин “Россия 1” телеканали эфирида.
Россия президенти АҚШнинг ўз халқи ишонч билдирган исталган раҳбари билан ишлашга тайёрлигини айтди.