Yevropa Ittifoqining tegishli cheklovchi choralari kiritilgunga qadar tuzilgan Rossiya ko‘mirining Yevropa Ittifoqiga importi bilan bog‘liq shartnomalarni bajarish imkoniyati bo‘yicha imtiyozli davr 10 avgustda tugaydi.

Ma’lumki, aprel oyi boshida YeI Rossiyaga qarshi beshinchi sanksiyalar paketini qabul qildi. Bu sanksiya Rossiya ko‘mirining barcha turlarini import qilishni taqiqlashni o‘z ichiga oladi.  8 aprel kuni Yevropa Ittifoqining rasmiy jurnalida e’lon qilingan ushbu cheklov choralari to‘g‘risidagi hujjatga ko‘ra, “To‘g‘ridan-to‘g‘ri yoki bilvosita ko‘mir va boshqa qattiq qazilma yoqilg‘ilarni sotib olish, import qilish yoki o‘tkazish taqiqlanadi. Agar u Rossiyadan eksport qilinsa, ushbu mahsulotlar bilan bog‘liq ayrim xizmatlarni ko‘rsatish taqiqlanadi.

YeI Kengashi aprel oyida Rossiya ko‘mirining Yevropa Ittifoqiga importi yiliga 8 milliard yevroni tashkil etishini qayd etdi.

Energetika vazirligi ma’lumotlariga ko‘ra, 2021 yilda Rossiya ko‘mirining umumiy eksportidagi Yevropa Ittifoqi davlatlarining ulushi 21,8 foizni tashkil etdi.  Bu 48,7 million tonna ko‘mirdan bir oz ko‘proqdir. 2020 yilda bu ko‘rsatkich biroz yuqori bo‘ldi – barcha eksportning 22 foizi.

Rossiya energetika vaziri Nikolay Shulginovning so‘zlariga ko‘ra, Rossiya ko‘mir kompaniyalari mahsulotlari Yevropa Ittifoqi importdan bosh tortishi sharoitida muqobil bozorlarga yo‘naltiriladi.