Сахалиндаги “Гидрострой” балиқ овлаш саноати компаниясининг кемаси двигателидаги носозлик туфайли Япониянинг Отару портида турибди.

“INTERFAX.RU” хабарида айтилишича, денгиз қутқарув ишларини мувофиқлаштирувчи марказ мазкур кеманинг двигатели ишламай қолганини маълум қилган. Кема япон денгиз ҳудудида бўлгани туфайли Япониянинг қутқарув кемаси уни шатакка олиб Хокайдо оролидаги Отару портига етказган. Агентлик суҳбатдошининг берган маълумотига қараганда, кема экипажига хавф ёки таҳдид йўқ.