Россия Эронга сармоя киритиш борасида етакчи
2023 йил Россия Эронга инвестиция киритиш бўйича биринчи ўринни эгаллади. Бу икки мамлакат ўртасидаги муносабатнинг ҳақиқий даражасини кўрсатиб турибди, деб баёнот берди РФнинг Теҳрондаги элчиси Алексей Дедов “РИА Новости”га.
– Россия энергетика компаниялари Эрон бозорида муваффақиятли фаолият юритмоқда, мамлакатимиз ўтган йили ушбу давлат инвесторлари орасида пешқадамлик қилди, – деди дипломат. – Бу алоқаларимизнинг асл манзарасини намоён этмоқда.
Россия 2022 йил ҳам Эронга инвестиция киритиш бўйича етакчи давлатлар қаторида эди.