Rossiya Britaniyaga amalga oshiriladigan aviaqatnovlarga joriy qilingan taqiq muddatini uzaytiradi
Buyuk Britangiyadagi epidemiologik vaziyatdan kelib chiqib Rossiya mazkur davlat bilan aviaqatnovlarga joriy qilgan taqiq muddatini uzaytiradi, deyiladi “REGNUM” xabarida.
Rossiyadagi COVID-19 pandemiyasiga qarshi kurash bo‘yicha tezkor shtabdan ma’lum qilinishicha, aholining salomatligini himoya qilish maqsadida aviaqatnovlar bo‘yicha bunday taqiq 2021 yilning 12 yanvari, soat 23:59 gacha uzaytirilgan.
Eslatib o‘tamiz, Buyuk Britaniyada koronavirusning yangi turi aniqlanganidan keyin ko‘pgina davlatlar qatorida Rossiya ham mazkur mamlakat bilan aviaqatnovlarni 22 dekabrdan bekor qilgandi.