Rossiya, Belarus, Falastin va Vyetnam harbiy delegatsiyasi “ArMI – 2020” da ishtirok etish uchun yetib keldi
Xalqaro armiya oʻyinlarining “Harbiy-tibbiy estafeta” tanlovida ishtirok etish uchun yurtimizga kelgan dastlabki harbiy delegatsiyalar Qarshi shahridagi Xonobod harbiy aerodromida kutib olindi.
Xalqaro armiya oʻyinlarining “Harbiy-tibbiy estafeta” tanlovida ishtirok etish uchun yurtimizga kelgan dastlabki harbiy delegatsiyalar Qarshi shahridagi Xonobod harbiy aerodromida kutib olindi.
Bu haqda Mudofaa vazirligi Axborot va ommaviy kommunikatsiyalar departamenti OʻzA xabar berdi.
“Forish” togʻ poligoniga yetib kelgan mehmonlarni Mudofaa vazirligi rahbariyati va Markaziy harbiy okrug qoʻshinlari qoʻmondonligi masʼullari tantanali ravishda, oʻzbekona urf-odat va anʼanalarga koʻra qarshi olishdi.
Endilikda jamoalar 3 kunlik karantinda boʻlgach, test tahlili natijalariga koʻra mashgʻulotlarni boshlaydilar.
Shuningdek, yaqin kunlarda Tojikiston harbiylarning ham “Forish”ga yetib kelishi kutilmoqda.
Eslatib oʻtamiz, joriy yilning 23-avgustidan 5-sentyabriga qadar davom etadigan “Harbiy-tibbiy estafeta”da jami 6 ta davlat vakillari ishtirok etadi.