Rossiya tashqi ishlar vazirligi Moskvada 3 yildan ortiq ishlagan amerikalik diplomatlar 31 yanvarga qadar mamlakatni tark etishi kerakligini ma’lum qildi.

– Bu qadam Rossiya va AQSH o‘rtasida davom etayotgan diplomatik mojaroning navbatdagi ko‘rinishidir, – deydi Mariya Zaxarova Moskvada bo‘lib o‘tgan matbuot anjumanida.

Rossiyaning AQSHdagi elchisi Anatoliy Antonov o‘tgan hafta 27 nafar rossiyalik diplomat oilasi bilan viza muammosi tufayli 30 yanvarga qadar, yana 30 nafari esa kelasi iyun oxirigacha AQSHni tark etishga majbur bo‘lmoqda.

Ulug‘bek Mahmirzayev