Futbol tarixi va statistikasi xalqaro federatsiyasi (IFFHS) Yevropaning so‘nggi 10 yillikdagi eng yaxshi futbolchisini e’lon qildi.

Unga ko‘ra, "Yuventus" klubi va Portugaliya terma jamoasi hujumchisi Krishtianu Ronaldu qit’aning 10 yillikdagi eng yaxshi futbolchisi, deb topildi.

Shuningdek, ushbu jadvalning ikkinchi pog‘onasidan "Real" klubi va Ispaniya terma jamoasi himoyachisi Serxio Ramos joy olgan bo‘lsa, "Bavariya" klubi va Germaniya terma jamoasi posboni Manuel Noyer kuchli uchlikni yakunladi.

Ronaldu faoliyati davomida 4 marta Chempionlar ligasida g‘olib bo‘lgan va Portugaliya terma jamoasi safida Yevropa chempioni va UEFA Millatlar ligasini qo‘lga kiritgan.