Italiya chempionatining 17-turida «Yuventus» klubi hujumchisi Krishtianu Ronaldu “Sassuolo” darvozasini ishg‘ol qilib, jamoasining 3:1 hisobidagi g‘alabasini ta’minladi.

Ronalduning ushbu goli yangi rekord sifatida qayd etildi.  

Aniqroq aytganda, Krishtianu Ronaldu Yevropaning kuchli beshlik chempionatlarida oxirgi 15 mavsumda uzluksiz 15 ta va undan ko‘p gol urgan dunyodagi yagona futbolchiga aylandi. Shu kunga qadar Italiya, Angliya, Ispaniya, Fransiya va Germaniya chempionatlarida hech bir futbolchi o‘n besh mavsum davomida 15 ta gol ura olmagan.

Shuningdek, Krishtianu Ronaldu faoliyatini davom ettirayotgan futbolchilar o‘rtasida eng ko‘p gol urgan charm to‘p ustasi hisoblanadi.