6 қыркүйекте France Football журналы «Алтын доп» жүлдесіне 30 үміткердің тізімін жариялады. Әйгілі португалиялық Криштиану Роналду соңғы 20 жылда алғаш рет үміткерлер тізімінде жоқ.

Қазір «Ан-Наср» клубында өнер көрсетіп жүрген 38 жастағы атақты футболшы «Алтын допты» бес рет иеленген. Ол 2008, 2013, 2014, 2016, 2017 жылдары болды.

Еске сала кетейік, Тек Лионель Месси ғана «Алтын допты» Роналдуға қарағанда көбірек жеңіп алды. Аргентиналық ойыншы бұл сыйлықты жеті рет иеленген. Ол биыл да жүлдеге басты үміткерлер тізіміне енген.

«Алтын доп» жүлдесін тапсыру салтанатты рәсімі 30 қазанда өтеді.