Парижде өтіп жатқан «Үлкен дулыға» сериясындағы «Roland Garros» турнирінің әйелдер арасындағы жарыстың финалистері белгілі болды.

Бірінші жартылай финалдық кездесуде польшалық 19 жастағы әлемнің 54-шы ракеткашысы Ига Швёнтек аргентиналық Надя Подорошканы екі сетте 6/2, 6/1 есебімен ұтып, «Roland Garros» турнирінде алғаш рет финалға жол алды.

Ал екінші жартылай финалдық кездесуде америкалық София Кенин екі сеттік ойын нәтижесі бойынша чехиялық Петра Квитованы 6/4, 7/5 есеппен жеңіп ақтық мәреге шықты.

София Кенин мен Ига Швёнтек арасындағы финал кездесуі 10 қазан күні өтеді.