VI Ислом бирдамлиги ўйинларининг саккизинчи куни остонасида бокс мусобақалари якунланиб, қайси терма жамоалар қанча медаль жамғаргани ойдинлашди

Хўш, кейинги 4-5 йил оралиғида жаҳон ва қитъа чемпионатларида, нуфузли турнирларда етакчиликни бермай келаётган мамлакатимиз боксчиларининг янгиланган таркиби Ислом бирдамлиги ўйинларида кутилган натижага эриша олдими?

Айтиш лозим, Ўзбекистон терма жамоасининг муросасиз жанглар якунига кўра, 3 та олтин, 1 та кумуш ва 2 та бронза медалларини қўлга киритгани эътиборли бўлди. Бу, 8 нафар боксчимизнинг 6 нафари совриндор бўлганидан далолат.

Иккита олтин медалга эгалик қилган йигитларимиз яна бир карра етакчи жамоа эканини намойиш этди. Боксчи қизлар натижаси билан қўшиб ҳисоблаганда эса Туркия жамоаси умумжамоада 1-ўринни қўлга киритди.

Терма жамоамиз аъзоларидан Мадиёр Даниёров, Абдуллоҳ Мадаминов, Хуморабону Мамажонова олтин, Одинахон Исмоилова кумуш, Зилолахон Юсуфова ва Узукжамол Юнусова бронза медалларига эга чиқди.

Эслатиб ўтамиз, VI Ислом бирдамлиги ўйинларида муваффақиятга эришган боксчиларимиз бугун тунда Тошкентга қайтиб келади.

Т.Рўзиев, ЎзА