27 қазанда Ригада осы елдің елшісі Қадамбой Султанов, Латвия Сыртқы істер министрлігі мемлекеттік хатшысының орынбасары Анджес Вилумсонс, мемлекеттік органдар және бизнес өкілдері қатысуында Өзбекстанның құрметті консулдығының ашылу салтанаты өтті.

Ригадағы Өзбекстан Сауда үйінің басшысы, Outdoor Media компаниясының негізін қалаушы және директоры Владимир Гальперин елдің құрметті консулы болып тағайындалды. Салтанатты шарада оған консулдық патент табыс етілді.

Бұл Өзбекстанның Балтық аймағындағы алғашқы құрметті консулдығы.

Жаңа құрметті консул Латвияда сапарда болған Өзбекстан азаматтарының құқықтары мен мүдделерін қорғауға, экономикалық ынтымақтастықты дамытуға, республикаға латыш инвесторлары мен туристерін тартуға, елде өндірілген өнімдерді Латвия және басқа Балтық елдері нарығына экспортын арттыруға көмектесу процестеріне белсенді түрде қатысады. Сондай-ақ, еңбек көші-қонды тәртіппен ұйымдастыруға, мәдени-гуманитарлық және басқа да байланыстарды дамытуға көмектеседі.

Еске сала кетейік, қазіргі уақытта шетелде Өзбекстанның 30-ға жуық құрметті консулдығы жұмыс істейді.