Хорезмнің Үргеніш қаласынан Қарақалпақстанның Қоңырат ауданына жаңа пойыз қатынасы іске қосылады.

Жоғары Кеңес мәліметі бойынша, жаңа пойыз қатынасы Амудария өзенінен өтетін заманауи көпір арқылы жүзеге асырылмақ. Бұл маңызды жоба 20 қаңтардан бастап жолаушылар мен жүк тасымалдауда тиімділікті арттыруға бағытталған.

Қатынас күн сайын Үргеніштен сағат 6:00-де, ал Қоңыраттан 13:24-де басталады.

Айта кету керек, 2024 жылдың 29 ақпанында Мемлекет басшысы Шавкат Мирзиёев Қарақалпақстанның Амудария ауданында ұзындығы 423 метрді құрайтын жаңа көпірді салтанатты түрде ашқан еді.

Жаңа көпір екі бағытта 24 жұп пойызды өткізу мүмкіндігіне ие. Бұл теміржол учаскесі арқылы тасымалданатын жүк көлемі жылына екі есе арттырылып, тасымалдау уақытын 6 сағатқа дейін қысқартуға мүмкіндік береді.

Бұл жоба жергілікті жүк тасымалдауды оңтайландырып, тасымалдау шығындарын екі есе төмендетуге жол ашады. Сонымен қатар, жаңа теміржол бағыты арқылы Қазақстан мен Ресейге де жаңа көлік дәліздері пайда болмақ.