Россия Илон Маскнинг “Starlink” тизимини нишонга оладиган сунъий йўлдошга қарши янги қурол ишлаб чиқармоқчи, бу Украинага жанг майдонида ёрдам берган Ғарбнинг космик устунлигини чеклашга қаратилган, деб ёзди “Associated Press” ахборот агентлиги.

Таъкидланишича, бу “ҳудудга асосланган” қурол бўлиб, юз минглаб юқори зичликдаги снарядларни орбитага жойлаштиришни ўз ичига олади. Бу снарядлар бир вақтнинг ўзида бир нечта “Starlink” сунъий йўлдошларини ўчириб қўйиши мумкин. 

Экспертлар фикрича, бундай қуролдан фойдаланиш космосда назоратсиз тартибсизликларни келтириб чиқариши мумкин.

Хабарда руслар бундай қуролни қачон жойлаштириши ёки синовдан ўтказиши аниқ қайд этилмаган. 

С.Раҳимов, ЎзА