РФ Президенти БМТ Бош Ассамблеясининг 77-сессиясида иштирок этмайди
Россия Президенти Владимир Путин БМТ Бош Ассамблеясининг сентябрь ойида бўлиб ўтадиган 77-сессиясида иштирок этиш учун Нью-Йоркка бормайди.
Бу ҳақда Россия Президенти матбуот котиби Дмитрий Песков маълум қилди, – деб ёзади “ТАСС”.
Жорий йилнинг 20-26 сентябрь кунлари Нью-Йоркда БМТ Бош Ассамблеясининг 77-сессиясининг юқори даражадаги ҳафталиги бўлиб ўтади.
Анъанага кўра, мазкур сессияда мамлакат президентлари ва бош вазирлари, шунингдек, вазирлар қатнашади. Бу йил Россия делегациясига ташқи ишлар вазири Сергей Лавров бошчилик қилади.