Shu yilning 8-9 aprel kunlari Rossiyaning "Spinnoy mozg" jamiyati prezidenti, Rossiya, Yevropa va jahon neyroxirurgiya assotsiatsiyasi a’zosi, tibbiyot fanlari doktori, professor Andrey Baskov O‘zbekiston Milliy olimpiya qo‘mitasi qoshidagi Respublika sport tibbiyoti ilmiy-amaliy markazida mehmon bo‘ldi.

A.Baskov dastlab Respublika sport tibbiyoti ilmiy-amaliy markazi faoliyati bilan yaqindan tanishib, markazning malakali mutaxassislari bilan sohadagi nazariy va amaliy bilimlar haqida fikr almashdi. Shuningdek, sportchilarni davolash va reabilitatsiya qilishning ilg‘or ishlanmalari va usullari bo‘yicha mutaxassislar uchun seminar o‘tkazdi. 
Tashrifning ikkinchi kunida mehmon Respublika endokrinologiya markazi va "Ezgu niyat" klinikasining faoliyati bilan ham tanishdi.

Yakunda Respublika sport tibbiyoti ilmiy-amaliy markazi va “OrthoSpine” klinikasi o‘rtasida o‘zaro hamkorlik memorandumi imzolandi.
Mazkur tadbir markaz direktori Kamol Sirojitdinov hamda “OrthoSpine” klinikasi rahbari Andrey Baskov ishtirokida o‘tdi. Uchrashuv yakunida Respublika sport tibbiyoti ilmiy-amaliy markazi rahbari minnatdorlik ramzi sifatida Andrey Baskovga esdalik sovg‘alarini topshirdi.

O‘zA