Республика ишчи гуруҳи Тошкент вилоятида оммавий қабул ўтказади
Эртага, 3 май куни соат 10-00 да Бўка тумани Бўстон маҳалласидаги Ёшлар истироҳат боғида Республика ишчи гуруҳининг оммавий қабули ташкил қилинади.
Президент Халқ қабулхонаси масъуллари, Олий суд раиси, Бош прокурор, Ички ишлар вазири ва Тошкент вилояти ҳокими мурожаатчилар билан юзма-юз мулоқот олиб боради.
Президент Халқ қабулхонаси, Бош прокуратура, Ички ишлар вазирлиги, Тошкент вилояти ҳокимлиги билан боғлиқ ариза, шикоят ёки таклифларингиз бўлса, эртага бўлиб ўтадиган оммавий қабулда иштирок этишингиз мумкин.
ЎзА