Спорттық арбитраж соты (CAS) Ресейлік Олимпиада чемпиондары жеңіл атлет Наталья Антюх пен Андрей Сильнованы допингке қарсы ережені бұзғаны үшін төрт жыл бойы спорттық жарыстардан дисквалификациялады.

CAS-тің шектеу мерзімі 2021 жылдың 7 сәуірінен басталады.

Спорттық арбитраж сотының сайтындағы мәліметке сай Антюхтың 2013 жылғы 30 маусымнан және Сильновтың 2013 жылғы 8 шілдеден бастап көрсеткен нәтижелерінің барлығы жойылғандығы көрсетілген. Бұл шешім жарыстарға қатысқаны үшін кез-келген атақтан, марапаттан, медальдардан, ұпайлар, сыйлықтар және ақшадан айыруды көздейді.

36 жастағы Андрей Сильнов - биіктікке секіру бойынша 2008 жылғы Олимпиада чемпионы, Еуропа чемпионы (2006), күміс (2012), жабық ғимараттағы әлем чемпионатының қола (2006) жүлдегері. 39 жасар Наталья Антюх 400 метрге кедергілермен жүгіруде 2012 жылғы Олимпиада чемпионы, 2004 жылғы Олимпиадада 4х400 метрлік эстафетада күміс және 400 метрде қола медаль иесі.