Шанхай ынтымақтастық ұйымына мүше болғысы келетін елдерден көптеген өтініштер түсуде, бірақ кеңейту процесі оңай емес және жан-жақты ойластырылған тәсілді қажет етеді.

Бұл туралы ШЫҰ хатшылығындағы Ресейдің тұрақты өкілі Наталья Степкина мәлімдеді.

«ШЫҰ-ның кеңеюі саммиттегі басты мәселелердің бірі болмақ. Көптеген өтініштер түсті, олардың барлығы қарастырылады. Қазіргі халықаралық қатынастар жүйесінде болып жатқан жаһандық өзгерістер аясында ШЫҰ-ға мүше болуға қызығушылық артып келеді. Көріп отырғаныңыздай, бұл ұйым мүдделі елдерді мазалаған сұрақтарға жауап беруге қабілетті», - деді Степкина.

Оның айтуынша, «кеңейту оңай процесс емес. ШЫҰ мүшелерін ұйым аясында барлық деңгейдегі практикалық ынтымақтастыққа тарту барынша мүмкіндіктер жасау тұрғысынан байыпты, ойластырылған көзқарасты талап етеді».