Өзбекстан Республикасының Сыртқы істер министрлігі Ресей аумағында болған қайғылы жағдайға қатысты мәлімдеме жасады.

«Өзбекстан Республикасының Сыртқы істер министрлігі Мәскеу облысындағы «Крокус Сити» сауда орталығында жасалған лаңкестік актіні қатаң айыптайды. 

Терроризмді ақтауға болмайды және біз бейкүнә азаматтарға қарсы мұндай зорлық-зомбылықтан бірауыздан бас тартуға шақырамыз», делінген хабарламада.

Ведомсто ақпаратында марқұмдардың отбасы мүшелері мен туған-туыстарының қайғыларына ортақтасып көңіл айтылған.