Интерфакс мәліметінше, 24 қарашада Ресей үкіметі әскери есепке алу саласындағы заңнамалық базаны парламент қабылдаған заңнамадағы өзгерістермен үйлестіру туралы шешімді мақұлдады.

Бұл өзгерістерге сәйкес, 2024 жылдың 1 қаңтарынан бастап Ресей армиясына 18 бен 30 жас аралығындағы ер азаматтар шақырыла бастайды. Осы уақытқа дейін әскерге шақырылғандардың ең жоғары жасы 27 жас болатын. Нәтижесінде тағы 2 миллион ресейлік әскери қызметке шақырылады.

25 шілдеде Мемлекеттік Дума әскерге шақыру жасын ұлғайту туралы заң жобасына түзетулерді қабылдады. Бастапқыда әскерге шақыру жасының жоғарғы шегі ғана емес, төменгі шегі де – 18 жастан 21 жасқа дейін көтерілуі тиіс болатын. Алайда, соңында бұл идеядан бас тарту туралы шешім қабылданды - Мемлекеттік Думаның қорғаныс комитетінің басшысы Андрей Картаполов айтуынша «көптеген жас жігіттер 18 жаста қызметке барғысы келеді».