Ресей Федерациясы Өзбекстан Республикасына құны 300 мың доллар тұратын жылжымалы диагностикалық кешен сыйлады.

Санитарлық-эпидемиологиялық қадағалау және қоғамдық денсаулық сақтау қызметі қоғаммен байланыс бөлімінің хабарлауынша, Шығыс Еуропа мен Орталық Азия елдеріне ВИЧ/СПИД-тің алдын алу, оған қарсы күрес және техникалық көмек көрсету бағдарламасы шеңберінде Ресей Федерациясы Өзбекстан Республикасына 300 мың доллар тұратын жылжымалы диагностикалық кешен берген.

Осы көшпелі диагностикалық кешеннің көмегімен Өзбекстанның шалғай аудандарында тұратын адамдар инфекциялық аурулардың белгілері, таралу жолдары туралы уақытылы ақпарат ала алады. Бұл диагностикалық кешен диагностикалық процедураларға, тест сынақтарға, сондай-ақ медициналық тексерулерге, профилактикалық тексерулерге және елдегі шалғай және қол жетімсіз аудандарында тұратын тұрғындарға алғашқы медициналық-санитарлық көмек көрсетуге арналған.

Ол аспаптық, зертханалық, функционалды және ультрадыбыстық диагностикаға арналған медициналық құралдар жиынтығымен жабдықталған.