Prezidentimiz Shavkat Mirziyoyev tashabbusi bilan mamlakatimizda yoshlarni qo‘llab-quvvatlash, ularning puxta bilim olishi, kasb-hunar o‘rganishiga ko‘maklashish, muammolarini hal etish masalalariga alohida e’tibor qaratilib, bu borada keng-ko‘lamli amaliy ishlar olib borilmoqda.

Andijon davlat universiteti tomonidan Qo‘rg‘ontepa tumanidagi qator mahallalar yoshlari qo‘llab–quvvatlanayotganligi, ularning muammolarini hal etishga ko‘maklashilayotganligi ana shu yo‘nalishdagi ishlarga bir misoldir. Jumladan, Andijon davlat universiteti rektori, professor Akramjon Yuldashev Qo‘rg‘ontepa tumanidagi Ulug‘bek mahallasida  istiqomat qilayotgan yoshlarning xonadonlarida bo‘ldi, turmush sharoitlari bilan tanishdi, yoshlar va ularning ota-onalari bilan suhbatlashdi.  

Suhbatlar jarayonida yoshlarning bandligini ta’minlash, kasb-hunarga yo‘naltirish, mahallalardagi ma’naviy muhitni yanada sog‘lomlashtirish, yoshlarni qiynayotgan muammolarni o‘rganish va ijobiy hal etish masalalariga alohida e’tibor qaratildi.  

Universitet rahbari uchrashuvda ko‘plab yigit-qizlarning muammolarini eshitdi. Qator masalalar joyida ijobiy hal etildi. Uchrashuvda har bir murojaat belgilangan tartibda ko‘rib chiqilishi va hal etilishi, umuman, mahalla yoshlari har jihatdan qo‘llab-quvvatlanishi alohida ta’kidlandi.  

Qo‘rg‘ontepalik yoshlar ko‘rsatilayotgan ko‘mak va e’tibordan behad mamnun bo‘lmoqda.  

F. UBAYDULLAEV,

Z. UMRZOQOV (surat), O‘zA