Бугун Марказий сайлов комиссияси Матбуот марказида МСК раиси иштирокида брифинг бўлиб ўтди. Унда Марказий сайлов комиссияси раиси З.Низомхўжаев 30 апрель куни бўлиб ўтган Ўзбекистон Республикаси референдумининг дастлабки натижалари бўйича маълумот берди.

Қайд этилганидек, референдумда сайловчилар ягона электрон рўйхатига 19 миллион 722 минг 809 нафар овоз берувчи фуқаролар киритилган. Шунингдек, хорижий мамлакатлардаги 55 та референдум участкаларида 307 минг 895 нафар фуқаро рўйхатга олинган. Жами овоз берувчиларнинг 16 миллион 673 минг 189 нафари ёхуд овоз берувчиларнинг 84,54 фоизи овоз берди. Уларнинг 90,21 фоизи «ҳа» деб овоз берган, 9,35 фоизи қарши овоз берган.

<iframe width="560" height="315" src="https://www.youtube.com/embed/s4FPkiiGYrQ" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Шундай қилиб, Ўзбекистон Республикаси Конституциявий қонун лойиҳаси қабул қилинган дейишга асослар етарли эканлиги таъкидланди.

Ўткир Алимов, Дониёр Ёқубов (видео), ЎзА