Мамлакатимизда шу йилнинг 30 апрель куни бўлиб ўтадиган муҳим сиёсий жараён — Конституциявий қонун лойиҳаси бўйича референдумга ҳам саноқли кунлар қолди.

Эътиборли жиҳати, янги таҳрирдаги Конституциянинг 120 моддасига асосан, “вилоят, туман, шаҳар ҳокими лавозимини эгаллаб турган шахс бир вақтнинг ўзида халқ депутатлари Кенгашининг раиси лавозимини эгаллаши мумкин эмас” деган қатъий норма киритилмоқда.

Ҳокимларнинг Халқ депутатлари кенгашларига бошчилик қилиши ҳақидаги қоиданинг чиқарилиши, уларнинг Кенгашлар олдида масъулиятини оширишга, ҳокимликлар фаолияти устидан Кенгаш ва депутатлар назоратини кучайтиришга хизмат қилади.

Шунингдек, “Халқ давлат ҳокимиятининг бирдан-бир манбаидир” конституциявий принципини амалга оширишга хизмат қилувчи ҳокимлик идоралари раҳбарларининг халқ депутатлари Кенгашлари олдида ҳисобот берадиган самарали тизим йўлга қўйилади. Энг муҳими, ҳокимларнинг ўзлари қарор қабул қилиб, ўзлари бошчилик қиладиган кенгашларда ушбу қарорларни тасдиқлатиш, кейинчалик унинг ижросини назорат қилиш каби амалиётга чек қўйилади.

Бу ҳақда батафсил ЎзАнинг “YouTube” каналида танишишингиз мумкин.

<iframe width="650" height="420" src="https://www.youtube.com/embed/B2ryDsVyFO4" title="Референдум кундалиги: ҳоким бир вақтнинг ўзида халқ депутатлари Кенгашининг раиси бўлмайди" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Ў. Алимов, Н. Абдувоитов (видео), ЎзА