Футбол бўйича Испаниянинг Ла Лига чемпионати 1929 йилда ташкил этилган бўлиб, унда энг кўп соврин ва очко тўплаган жамоа Мадриднинг «Реал» клуби ҳисобланади.

Асли 1902 йилда ташкил этилган «Реал» жамоаси бугунга қадар Ла Лига мусобақасида 4 минг 999 очко жамғарган.  

Шуни таъкидлаб ўтиш лозимки, «Қироллик клуби» 2025 йилнинг 4 январь куни Испания чемпионатидаги навбатдаги учрашувини «Валенсия»га қарши ўтказади. Агарда ушбу ўйинда «Реал» ғалаба қозонса, очколар сони 5 мингдан ўтади ва Испания Ла Лига мусобақаси тарихида илк 5 минг очкони қўлга киритган ягона жамоага айланади. 

Маълумот ўрнида: Ла Лигада «Реал»дан ташқари «Барселона» (4,887) «Атлетико Мадрид» (4,018), «Атлетик Бильбао» (3,771), «Валенсия» (3,767) ва «Севилья» (3,265) очко тўплаган.   

Жавоҳир Тошхўжаев, ЎзА