«Real Madrid» prezidenti Florentino Peresda koronavirus aniqlandi
Bugun Madridning «Real» klubi prezidenti Florentino Peresning koronavirusga topshirgan testi ijobiy ko‘rsatkichni qayd etgan. Bu haqda jamoa rasmiy sayti ma’lum qildi.
«Real Madrid» klubi prezidenti Florentino Peresning vaqti-vaqti bilan koronavirusga topshiradigan testi bugun ijobiy natijani berdi. Prezident o‘zida COVID-19 ning hech qanday alomatlarini sezmayapti, virus unda simptomlarsiz kechmoqda», – deyiladi bayonotda.
Eslatib o‘tamiz, Peres 2009 yildan buyon «qaymoqranglilar» prezidenti sanaladi. Uning rahbarlik davrida «Real Madrid» 3 karra La Liga, to‘rt bor Chempionlar Ligasi, 3 marta UEFA superkubogi hamda 4 karra klublar o‘rtasidagi jahon chempionati g‘olibiga aylandi.
O‘zA