«Реал Мадрид» финалда «Барселона» клубын ірі есеппен жеңіп, Испания суперкубогының иегері атанды.

Сауд Арабиясының Эр-Рияд қаласында өткен 2024 жылғы алғашқы «Эль-Класико» мадридтік клубтың жеңісімен аяқталды.

Онда мадридтіктер қарсыластарын 4:1 есебімен жеңді. Бірінші таймның 7, 10 және 39-минуттарында Винисиус каталондықтардың қақпасын дәл көздесе, Левандовски 33-минутта гол соқты. Екінші таймда «Реал» 4-ші голын соқты. Родриго бұл тапсырманы 64-минутта сәтті орындады.

Осылайша, Анчелотти шәкірттері Испания суперкубогын жеңіп, кубоктардың санын 13-ке жеткізді.